30 de Xaneiro Día da Paz e a Non-violencia

Estamos a celebrar o día escolar da paz e a non violencia e aí vai unha mostra do que puxemos no mural que fixemos no Conservatorio. No vestíbulo do primeiro andar e nas aulas situadas nel,       atoparás moitas frases de Mahatma Ghandi o pacifista mais senlleiro, contos relacionados co tema, marcapáxinas...Visítao!

PARA QUE HAXA PAZ 

Para que haxa paz no mundo,
debe haber paz nas nacións.

Para que haxa paz nas nacións,
debe haber paz nas cidades.

Para que haxa paz nas cidades,
debe haber paz entre os veciños.

Para que haxa paz entre os veciños,
debe haber paz nas casas.

Para que haxa paz nas casas,
debe haber paz nos corazóns.

                                                               (Versión libre dun texto de Lao-Tsé)

DECÁLOGO PARA CRECER NA PAZ

1. Es alguén moi importante. Quérete.

2. Valora os teus amigos. Daralles seguridade.

3. Descobre todo o que te une aos demais por enriba do que te separa.

4. Respecta as opinións. Así contribuirás ao diálogo.

5. Aprende a escoitar, comprenderás mellor aos demais.

6. Esfórzate por rematar ben as túas tarefas. Gozarás co resultado.

7. Cumpre coas túas responsabilidades, os demais necesítano.

8. Traballa en grupo. Ninguén sabe máis que todos xuntos.

9. Comparte as túas cousas cos demais. Farate moi feliz.

10. Pon paz dentro de ti, desta forma estarás a poñer tamén paz a o teu arredor.

                                                                                Cesar Vallejo

 O VENTO E O SOL

O sol e o vento discutían para ver quen era o máis forte
O vento dicía: Ves aquel ancián envolvido nunha capa?.
Apóstoche a que o farei quitar a capa máis rápido ca ti.
Ocultouse o sol tras unha nube e comezou a soprar o vento, cada vez con máis forza, ata ser case un ciclón, pero canto máis sopraba tanto máis envolvíase o home na capa.
Por fin o vento calmouse e declarouse vencido.
E entón saíu o sol e sorriu benignamente sobre o ancián.
Non pasou moito tempo ata que o ancián,
acalorado pola morneza do sol, quitou a capa.
O sol demostrou entón ao vento que a suavidade e o amor dos abrazos son máis poderosos que a furia e a forza.

                                                                           Esopo (600 AC).

A REAL ACADEMIA DE BELAS ARTES POSTULA O DíA 1 DE ABRIL

Propoñen a creación do Día das Artes Galegas

A Real Academia de Belas Artes, recentemente renovada e presidida polo pintor Manuel Quintana Martelo, propón a creación dun Día das Artes Galegas que se celebraría o día 1 de abril, data que figura na inscrición do Pórtico da Gloria da Catedral. O obxectivo é "sensibilizar á sociedade do valor patrimonial da cultura galega" a través de conmemoración, conferencias, actividades pedagóxicas.

INTÉGRASE NO PROGRAMA CATEDRAL DA FUNDACIÓN BARRIÉ

Abre o novo espazo divulgativo do Pórtico da Gloria

Recreacións en tres dimensións, paneis explicativos, réplicas dos instrumentos medievais, fotografías artísticas e proxeccións audiovisuais. O Espazo Divulgativo do Pórtico da Gloria que abría esta mañá na Sala de Armas do Pazo de Xelmírez en Compostela permitirá coñecer polo miúdo este monumento do románico galego. A nova sala, financiada pola Fundación Barrié no marco do Programa Catedral integrarase no circuíto de actividades didácticas e visitas guiadas e irá incorporando novos contidos. Ademais, achegará información actualizada sobre o proxecto de restauración do pórtico, cuxa finalización está prevista para o mes de marzo de 2017.